maghrib ne iqtisadi taraqqi to bohat ki hai lekin afsoosnaak sorat e haal yeh hai ke maghribi muashray mein ikhlaqi qadren bhi is raftaar se la zawaal Pazeer hain. dating Website ”Victoria Milan“ ki janib se haal hi mein munaqqid ki jane wali tehqeeq bhi kuch aisi hi sorat e haal ki akkaas hai. surway mein 12 hazaar se zayed shadi shuda mard o khawateen se un ke apne hamsafar ke ilawa afraad se taluqaat ke hawalay se sawalaat pouchye gaye .
herat angaiz tour par 70 feesad khawateen ka kehna tha ke woh apne doston ko bhi mahswara den gi ke woh apne hamsafar ke ilawa kisi aur se bhi taluqaat qaim karen. 57 feesad ka kehna tha ke is silsilay ko roknay ka fi al haal un ka koi iradah nahi, mardon mein yeh sharah aur bhi ziyada nazar aayi. 80 feesad se zayed mardon ka kehna tha ke woh apne doston ko is ka mahswara dena pasand karen ge jabkay 60 feesad ka iradah tha ke yeh silsila chalta rahay. 67 feesad afraad ka kehna tha ke woh yeh kaam jazbati nahi balkay sirf jismani zaroriat poori karne ke liye karte hain. bohat se logon ne is baat ka inkishaaf kya ke inhen yeh soch kar hi bara lutaf aata hai ke is kaam mein pakdae jane ke imkanaat kaafi ziyada hain .