riyasat rajasthan se talluq rakhnay wali aik bad qismati larki ki daastaa’n bhi aik aisa hi almiya hai jis ka koi pursan haal nahi. yeh mazloom larki aik tamirati mansoobay par mazdoor ke tor par kaam kar rahi thi lekin super vayzr ki hawas se bachney ke liye kaam chore diya. jab yeh apne gaon fatah poor jane ke liye railway station pohanchi to darinda sift super vayzr apne bhai ke sath wahan aan pouncha aur usay zabardasti apni jeep mein daal kar aik weraan maqam par le gaya. wahan is ki asmat darri ki gayi aur jab is ne muzahmat jari rakhi aur police ke paas jane ki baat ki to darindon ne usay utha kar railway line par pheink diya. agarchay woh is ki zindagi ka khtama chahtay thay lekin rail gaari ke neechay aakar is ki tangen kat gayeen. mazeed sitam yeh howa ke jab usay hospital se ghar muntaqil kya gaya to is ki apni hi maa ne usay qubool karne se inkaar kardiya aur is ke khawand ne bhi usay chore diya. do saal qabal na qabil tasawwur zulm ka nishana ban'nay va yeh mazloom larki aaj bhi insaaf ke liye dhakkay kharhi hai jabkay is ki zindagi barbaad karne walay darendey azad ghoom rahay hain .