Islamabad ( monitoring desk ) Pakistan tehreek insaaf ke sarbarah Imran Khan ne kaha hai ke yeh awam bedaar ho chuki hai, un ko maloom ho gaya hai ke un ke haqooq par daaka dala ja raha hai, beron malik muqeem Pakistani hamari kamyabi ke liye duayen kar rahay hain, Nawaz shareef ke halaat bohat khasta hain, police un ko nahi bacha sakti. azadi March ke dharnay se khitaab mein un ka kehna tha ke aaj ?? din poooray honay par dharnay ke mubarakbaad deta hon, asal match kal ho ga jab yahan awam ka samandar ho ga. Nawaz shareef ne dharnay ke khilaaf police ko istemaal kya hai magar Nawaz shareef ki yeh police mujhe nahi rok sakti. mein kehta hon miyan sahib! jo marzi kar lo naya Pakistan ban kar rahay ga. police ki tadaad bherne ke sath sath hum apne maqsad ke qareeb hotay ja rahay hain, yahan se kamyaab ho kar loten ge .