Dubai ( online ) Iran ke mutanazia johri programme par t_hran aur chay alami taqaton ke darmain muahiday ke liye mirathn mazakarati koshisho ke tana zahir mein irani ohdedaron ki janib se baaz aisay bayanaat bhi samnay aa rahay hain jin se zahir hota hai ke Iran johri bomb tayyar karne ki bharpoor salahiyat rakhta hai. Al Arabia dot net ke mutabiq pasdaran inqilab ke aik senior ohdedar general Mohammad Raza naqdi ny daawa kiya hai ke" dediya ka koi hathyaar aisa nahi jo Iran nah bana sakta ho ". un ka yeh bayan aik aisay waqt mein manzar aam par aaya jab vyana mein irani hakkaam aur group 1 + 5 ke darmain Iran ke mutanazia johri programme ko mehdood karne se mutaliq mazakraat urooj par they. pasdaran inqilab ki Maqarrab khabar rasan agency" faris" ke mutabiq general Raza naqdi ny un khayalat ka izhaar t_hran mein aik taqreeb se khitaab mein kya. unhon ny apni taqreer mein alami baradri ki janib se johri programme ke tasalsul ki Padaash mein iqtisadi pabandion ke asraat ka bhi zikar kya. un ka kehna tha ke alami pabandion ke bawajood Iran har qisam ka asleha bananay ki poori salahiyat rakhta hai. unhon ny kaha ke duniya ka koi hathyaar ya chhota aur bara asleha aisa nahi jo hum tayyar nah kar satke hon. khayaal rahay ke Iran ke mutanazia johri programme ke baais pichlle kayi saal se t_hran ko alami iqtisadi pabandion ka saamna hai. un pabandion ke toar ya narmi laane ke liye irani saddar husn Rohani ny bain al aqwami baradri ke sath baat cheet ka silsila shuru kya. woh yeh baat saabit karne ki koshish kar rahay hain ke t_hran ka atomi programme pramn maqasid ke liye hai. pasdaran inqilab ke ohdedar ka kehna tha ke alami pabandion ke nateejay mein Iran ki fouji sar garmion par koi khatir khuwa manfi asraat nahi parre hain. musallah afwaj ny kayi ahem shobo mein shandaar karkardagi ka muzahira kiya hai. general Mohammad Ali Raza naqdi ny dhamki di ke agar alami baradri hamari sharait par johri muahiday prmtfq nah hui to hum duniya ko tail ki supply band kar den ge jis ke nateejay mein barray mumalik mein nizaam zindagi bhi maflooj ho kar reh jaye ga. unhon ny kaha ke duniya bhar mein tail aur gas ke sab se ziyada zakhair sprim leader aayat Allah Ali Khamna e ki fouj ke qadmon taley paye jatay hain .
