aik tehqeeq se yeh baat samnay aayi hai ke jo afraad baen haath se kaam karne ke aadi hotay hain woh paisa kamanay ke muamlay mein budqismat saabit hotay hain .
kehte hain ke jo afraad dayen haath se kaam karte hain woh zindagi ke kayi mamlaat mein kaafi khush naseeb hotay hain aur kamyabi ki seerihoon ko tay karte hue apne maqsad mein kamyaab ho jatay hain lekin shayad ab yeh baat maazi ka hissa ban gayi hai kyunkay America mein isi hawala se aik tehqeeq samnay aayi hai jis mein kaha gaya hai ke dayen haath se kaam karne walay afraad ki nisbat baen haath se kaam karne walay afraad apni zindagi mein paisa kamanay ke muamlay mein budqismat hotay hain jis ki wajah se apne muashi mamlaat mein mushkilaat ka shikaar rehtay hain aur ziyada tar choti mouti mulaazmaten hi haasil krpate hain. Amrici tehqeeq daan ke mutabiq baen haath se kaam karne walay afraad kam salahiyaton ka muzahira karte hain jis ki wajah se unhein zindagi mein bohat se nuqsanaat ka saamna karna parta hai .
tehqeeq daan ka kehna tha ke inhen is hawalay se bohat se baen haath se kaam karne walay afraad ki e mails masool hui hain jis mein logon ki janib se shadeed gham o gussa ka izhaar kya gaya hai taham meri tehqeeq tamam baen haath se kaam karne walay afraad shaamil nahi hai .
