bilkhushoos jab kam Umar aur masoom bachon ke qatal aam ya halakaton ka maamla ho to aisay mein to aurtain toot kar reh jati hain .
Peshawar mein shool par honay walay hamlay ne jis terhan poori qoum ko jhnjorh kar rakh diya hai wahan mukhtalif TV channels par musalsal dikhayi jane wali reporton se gharelo khawateen bhi kanp uthi hain .
lekin sath hi sath shool ki kuch aisi khawateen usaatzaa ki kahaniyan bhi samnay aayi hain jinhon ne hamlay ke douran jurrat aur bahaduri ki misalein qaim kee .
un mein army public shool ke junior section ki principal saira dawod bhi shaamil hain .
jis waqt shool par hamla howa is waqt un ka apna beta bhi senior section mein is jagah par mojood tha jahan khoon ki holi kheli ja rahi thi jabkay beti junior skishn mein thi aur yeh dono khush qismati se mehfooz rahay .
bataya jata hai ke is khatoon ne hamlay ke baad nihayat mustadi aur jurrat ka muzahira karte hue taqreeban 150 ke qareeb bachon ko mehfooz maqam tak muntaqil karne mein madad ki .
aam tor par darjanon masoom bachon ki halakat ka manzar dekhnay walay fard se is azm aur hauslay ki tawaqqa nahi ki ja sakti jis ka muzahira saira dawod ne bi bi si se baat cheet ke douran kya .
baat cheet ke aaghaz par un ke dono bachay bhi un ke sath mojood thay .
is sawal par ke hamlay se un par aur un ke bachon par kis qisam ke asraat muratab hue hain, saira ne kaha' mein ne is sanihay ko apna hathyaar bana liya hai aur ab mein is ko istemaal kar ke is ki madad se saathi usaatzaa aur bachon ko dobarah zindagi ki taraf laane ki koshish karoon gi. '
unhon ne kaha ke is mein shak nahi ke woh aur un ka khandan trauma ki kefiyat se gzrha hai aur jis zehni aziat ka unhon ne saamna kya hai usay bhulaya nahi ja sakta lekin unhein kisi dawa aur dr ki zaroorat nahi kyunkay agar woh hosla haar den gi to un ki taraf dekhnay wali saathi usaatzaa, walidain aur bachay un se kya sabaq haasil karen ge .
hamlay ke hawalay se baat karte hue saira dawod ne kaha ke jab golion ki shuru hui to woh aisi ajeeb firing thi jis ki aawaz unhon ne pehlay kabhi nahi suni thi .
' aap yaqeen karen mein ne khirki se dekha to maidan mein dehshat gard kalay rang ke kapray, barri barri khaki rang ki jiktin pehnay dan danatay phir rahay thay, un ke hathon mein ajeeb o ghareeb qisam ka bara asleha tha jis se aag nikal rahi thi, woh wehshi darendey be khauf hokar bachon par golian barsa rahay thay. '
unhon ne bataya ke shool ki kayi usaatzaa dehshat gardon ke samnay aa kar bachon ke liye dhaal ban gaye jis se kayi bachay bach bhi gaye lekin un astanyon par hamla awaron ne phosphorus bomb phainky gaye jis se woh jal gayeen .
principal ke mutabiq taqreeban paanch se das minute ke douran koyk rspans force aur s s jee ke dastay pahonch gaye thay jinhon ne hamla awaron ko aik jagah tak mehdood kar diya warna is se bhi kahin ziyada nuqsaan hota .
saira ka kehna tha' un shaheed bachon ne jatay jatay aisi qurbani paish ki hai jis ne poooray malik aur tamam qoum ko akatha kar diya hai, qoum mein jo thori bohat darar thi woh ab khatam hogayi hai aur ab lagta hai ke yeh qurbani malik ki tareekh badlay gi. '
saira dawod se baat cheet jari thi ke army public shool ki chaar usaatzaa senior skishn ki principal miss Tahira qaazi ke soyam mein shirkat kar ke wahan pohnchain .
un mein aik khatoon aisi bhi theen jin ka apna beta is waqeye mein halaak howa hai .
yeh khatoon musalsal ro rahi thi lekin un ki sathiyon ki janib se jis andaaz mein unhein hosla diya gaya aur himmat barhai gayi woh khud mere liye bhi hosla afzaa tha aur mujhe pehli martaba mehsoos howa ke un khawateen ke hauslay ne mere trauma ki kefiyat bhi kam kar di hai .