ghair mulki khabara agency ke mutabiq samaji raabtey ki Website Facebook par mark Zukrbrg ney Website sarfeen ke mukhtalif salawon ke jawab diye, is douran aalmi shohrat Yafta maahir tabeeyat astifn ke istafsaar par unhon ney kaha ke un ki sab se ziyada dilchaspi insanon se mutaliq sawalaat mein hai aur woh yeh jan-nay ke liye bara tajassus rakhtay hain ke kya science ka koi aisa bunyadi qanoon mojood hai jis ki madad se insanon ke samaji rishton ki wazahat ki jasakay aur jo yeh samaghnay mein madad day sakay ke koi ensaan kisi dosray ensaan ya cheez ko kyun aur kaisay ahmiyat deta hai .
Facebook ke aik Sarif ki janib se jab mark Zukrbrg se khusi ki tareef poochi to unhon ney kaha ke log aam tor par khusi ko tafreeh ke sath mila dete hain lekin un ke nazdeek woh sab kuch jis par aap ka yaqeen ho, aap woh sab kuch aisay logon ke sath mil kar karen, jinhein aap chahtay hon, yahi khusi hai .