Peshawar ( monitoring desk ) saneha Peshawar ke holnaak manazair ne saari qoum ko rulaa diya hai aur waqt ke sath sath is alamnaak waqeye ki mazeed tafseelaat samnay aa rahi hain jo dukhi dilon ko aur maghmoom kar rahi hain. Peshawar ka lady reading hospital jahan phool se bachon ke lahoo luhan jism laaye gaye ab tak siskariyon mein dooba howa hai. is hospital ki nurse nargis ghazi bhi un afraad mein se aik hain jinhein woh andohnak manazair dekhnay parre aur zakhamo se krahte masoom bachon ke chehray un ki aankhon se hatnay ka naam nahi letay. woh kehti hain ke agarchay woh pichlle chaar saal mein dehshat gardi ke darjanon mutasireen ka ilaaj kar chuki hain lekin saneha Peshawar ke masoom mutasireen ne inhen jo gehra gham diya hai woh ta-umer un ke sath rahay ga. woh is sanihay ke baad ab tak so nahi payi hain aur nah hi theek terhan se kuch kha pi rahi hain .
woh kehti hain ke nanhay bachon ki cheekhain un ke kaanon mein gunjti hain aur woh aur un ke saathi dr aur nrsin is be basi par shadeed ghumzdaa hain ke woh dukhi walidain ko tarapty dekhnay par majboor thay magar un ke samnay duniya se jatay un ke pyaron ke liye kuch nahi krpaye. nargis kehti hain ke agarchay woh normal honay ki bharpoor koshish kar rahi hain aur neend ki golian bhi kharhi hain lekin nah hi inhen neend aa rahi hai aur nah hi masoom bachon ke khoon mein lthrhe jism un ki aankhon ke agay se hatt rahay hain .
