beijing: mobile phone ke liye ghair mayaari charger aur battery ka istemaal kis qader khatarnaak saabit ho sakta hai is ki aik taaza misaal chain mein dekhnay mein aayi jahan bas mein sawaar aik khatoon ka mobile is ke haath mein hi phatt gaya aur aag bharak uthi. yeh khatoon soobah seen mein aik bas mein sawaar thi aur phone istemaal kar rahi thi ke yeh achanak dhamakay se phatt gaya. yeh pehla mauqa hai kECC TV camera ki wajah se yeh haadsa record hogaya hai aur is ki video internet par aam hochuki hai. mobile ke aag pakarte hi bas mein mojood musafir aur driver jaan bachanay ke liye bhaag kharray hue. it-tila-aat ke mutabiq yeh haadsa phone ki ghair mayaari battery ki wajah se runuma howa .
