saan Francisco : heroen, sharaab aur afiyoon jaisay ke baray mein to aap ne suna hoga lekin tareekh mein pehli dafaa Google glass Nami jadeed technology ke haamil chashmay ka nashay ki had tak aadi hojane wala shakhs bhi samnay agaya hai aur doctoron ko is bemari ka ilaaj karne mein aik mahinay se zayed ka arsa laga hai. mutasirah shakhs ki Umar 31 saal hai aur woh Amrici behria ka ahelkaar hai. yeh shakhs rozana 18 ghantay tak yeh chashma lagaye rakhta jis ke adson mein computer ki screen ki terhan tasaveer aur videos nazar aati hain aur internet bhi is ke zariye istemaal ho sakta hai. is shakhs ko neend mein khawab bhi aisay nazar atay thay goya ke woh Google glass ke adson mein tasaveer dekh raha ho aur chashma utaarnay par woh sakht bad mizaji aur tanao ka shikaar hojata tha. doctoron ne roz tak is ka ilaaj jari rakha aur ab is ki haalat behtar batayi jati hai .
